Um 9. Mee hu sech déi brillantste Käpp ënnert eise Memberen zesummegedoen, fir un eisem alljärleche Quizowend deelzehuelen. An de véier Kategorië „Jo-Nee-Froen“, „Normal“, „Witzeg“ an „Divers“, waren 8 Gruppe gefrot, hiert Wëssen ënner Beweis ze stellen. Dräi dovunner konnte sech bis an d’Finall duerchkämpfen, wou um Enn d'“Trash Kandidatinnen“ den Owend knapp fir sech entscheede konnten.