Den 10. Oktober war et endlech sou wäit, mir konnten eis Neuankömmlinge an eiser wonnerschéiner Stad begréissen. Net manner wéi 44 Erstis hunn de Wee bis op de Rudolfplatz fonnt a goufen do natierlech och mat engem leckere Kölsch begréisst.
No enger klenger Kenneléierronn hu si sech a Gruppen op de Wee gemaach, fir op eisem Rallye hir nei Stad besser kennen ze léieren. Duerno gouf et nach e gudde Maufel am Brauhaus, ier mer den Owend an zwee Caféen ausklénge gelooss hunn.
Mir hoffen dass mer iech e gudden Owend bidde konnten an dass mer iech all op enger Rei Events rëmgesi kënnen!
