Brrr… Wann ee schonn nëmmen un de Wanter denkt gëtt engem scho kal. Gutt dass et zu Köln esou vill a flott Chrëschtmäert ginn, wou een sech mat Glühwäin oder Schocki opwierme kann. Souguer „The Times“ hu Köln op Plaz 1 gestalt am Ranking vun de schéinsten europäesche Chrëschtmäert. Dat hu mir eis natierlech net entgoe gelooss. Mee selbstverständlech si mir och bis op Oochen, Bonn a souguer Maastricht luusse gaangen, fir feststellen ze kënnen, dass d’Chrëschtmäert zu Köln awer déi flottste sinn!
